Mera Kuch Samaan

I have always loved this song. But, I didn't know the context earlier. And now that I watched the movie yesterday (yeah, somehow missed this brilliant movie till now), I love it more. Everything will be less and nothing will be much in praise of Gulzar saab. So, I rest by saying this movie was so ahead of it's time.

The poetry is awesome and I specially like the portion before the song starts.

ek dafa woh yaad hai tumko
bin batti jab cycle ka chalan hua tha
humne kaise bhuke pyase becharon si acting ki thi
hawaldar ne ulta ek atthani deke wapas bhej diya tha
ek chamanni meri thi woh bhijwado

sawan ke kuch bheege bheege din rakhe hain
aur mere ek khat mein lipti kuch raat padi hai
woh raat bhijwado
aur bhi kuch samaan tumhare paas pada hai
woh bhijwado

patjhad hai..
patjhad main kuch patton ke girne ki aahat
kaanon main ek baar pahan ke laut aai thee
patajhad ki vo saakh abhi tak kaanp rahi hai
woh bhijwado

ek sau sola chand ki raatein
ek tumhare kaandhe ka teel
geeli mehendi ki khusboo
jhoot moot ke waadein



Movie : Ijaazat
Lyrics : Gulzar
Music : R D Burman
Director : Gulzar

Tere Jaane Se Kuch To Badla Nahin

Sunset Point is a master piece by Gulzar and Vishal. A love story is so beautifully narrated by Gulzar saab himself and the songs are created to fit into the situations seamlessly. Nobody can play with words like Gulzar saab. His greatness is to express the complex feeling subtly in simple words. One of my favorite line is "woh der se pahuncha tha lekin waqt par pahuncha" which in itself tells a whole story.

Woh phir pul ke usi kinare aake khadi ho gayi
zindagi ka aakhri kadam uthane ke liye
kohre se chhan ke aati huti aawaz ne use rok diya
yeh to usi ki aawaz thi
woh der se pahuncha tha lekin waqt par pahuncha



I like the whole album but this song of separation is different. The first portion below is the narration by Gulzar saab before the song "tere jaane se kuch to badla nahin".

dholak ki thap dur daraj ke mohallon tak sunai di
jab use khabar mili to woh bhi pahuncha
khidkiyon darwazon se jhank jhank kar uski nazar pakadne ki koshish karta raha
mehandi se sazi tak dulahan tak pahuchna mushkil tha
ek saheli dulhan ke liye chai ki pyali lekar aayi
usne to maangi nahi thi
saheli ne aankh jhapak kar kaha,
pilo cup mein paigaam bhi hai
cup ki tah mein usne angoothi rakh kar bheji thi
usne angoothi hothon se pili aur ungali mein pahan li
saheli ke mehandi lagi hatheli par likh ke bhej diya
usi sunset par milna jo pool par mila tha
lekin sandesa pahucha nahin
woh ja chuka tha
pal bhar mein sab badal gaya
aur kuch bhi nahi badla
jo badla tha woh to guzar gaya......


tere jaane se kuch to badla nahin
tere jaane se kuch to badla nahin
raat bhi aayi thi aur chand bhi tha
raat bhi aayi thi aur chand bhi tha
tere jaane se kuch to badla nahin
tere jaane se kuch to badla nahin

saans bhi waise hi chalti hai hamesha ki tarah
aankh waise hi jhapakti hai hamesh ki tarah
thodi si bheegi huyi rehti hai aur kuch bhi nahin
tere jaane se kuch to badla nahin
tere jaane se kuch to badla nahin

hoth khusk hoti hain aur pyaas bhi lagti hai
aaj kal shaam shard hawa chalti hai
khak karne se dhuan uthata hai jo dil ka nahin
tere jaane se kuch to badla nahin
raat bhi aayi thi aur chand bhi tha
raat bhi aayi thi aur chand bhi tha
tha magar neend nahin neend nahin




Album : Sunset Point
Lyrics : Gulzar
Singer : Bhupinder
Music : Vishal Bharadwaj

Aur Phir Yun Hua

aur phir yun hua...
raat ek khwab ne jagaa diya,
aur phir yun hua..
raat ek khwab ne jagaa diya,
phir yun hua, chaand ki woh dali ghul gayee
aur yun hua, khwab ki woh ladi khul gayee
chalti rahee be-nooriyaan,
chalte rahe andheron ki..roshni ke tale..
phir nahin so sake..
ek sadi ke liye...hum diljale..
phir nahin so sake...
ek sadi ke liye.. hum diljale..
aur phir yun hua, subah ki dhool ne udaa diya..
aur phir yun hua, subah ki dhool ne udaa diya..
phir yun hua, chehre ke naksh sab dhul gaye
aur yun hua, gard the.. gard mein rul gaye
tanhaaiyaan odhe hue..
galte rahe bheege hue..
aansuon se gale...
phir nahin so sake, ek sadi ke liye hum diljale
ek sadi ke liye hum diljale...



Movie : Striker
Lyrics : Gulzar
Music : Vishal Bharadwaj
Singer : Vishal Bharadwaj

Na Leke Jao

Such an intense sad song from the movie Fiza. A poem by Nida Fazli and one by W. H. Auden come to my mind which can match the feeling expressed by this song.

na le ke jao mere dost ka janaaza hai
abhi to garm hai mitti jism taaza hai
abhi to garm hai mitti yeh jism taaza hai
na le ke jao mere dost ka janaaza hai

ulajh gayi hai kahin saans khol do is ki
labon pe aayi hai jo baat poori karne do
baat poori karne do
abhi ummeed bhi zinda hai gham bhi taaza hai
na le ke jao mere dost ka janaaza hai
abhi to garm hai mitti yeh jism taaza hai

jagaao is ko gale mil ke alvida to kahun
ye kaisi ruksati hai yeh kya saleeka hai
yeh kya saleeka hai
abhi to jeene ka har ek zakhm taaza hai
na le ke jao mere dost ka janaaza hai
abhi to garm hai mitti yeh jism taaza hai



Movie : Fiza
Lyrics : Gulzar
Music : Anu Malik
Singer : Jaspinder Narula

Ab Mujhe Koi Intezaar Kahan

I am tired of praising Gulzar's poetry and I definitely sound like an old record here. But what can you do when he keeps coming with such beautiful and meaningful lyrics. I don't know if it is deliberate or not but Rekha Bharadwaj sings very few numbers. But whenever she does that in collaboration with Vishal's composition and Gulzar's lyrics, something magic is created.


Ab mujhe koi intezaar kahan
Ab mujhe koi intezaar kahan
Wo jo behte the aabshaar kahan
Ab mujhe koi intezaar kahan
Ab mujhe koi intezaar kahan
Woh jo behte the aabshar kahan
Ab mujhe koi intezaar kahan
Aankh ke ek gaon mein, raat ko khwaab aate the
Aankh ke ek gaon mein, raat ko khwaab aate the
Chhoone se behte the, bole to kehte the
Udte khwaabon ka aitbaar kahan
Udte khwaabon ka aitbaar kahan
Ab mujhe koi intezaar kahan
Jin dino aap the, aankh mein dhoop thi
Jin dino aap rehte the, aankh mein dhoop rehti thi
Ab to jaale hi jaale hain, yeh bhi jaane wale hain
Woh jo tha dard ka qaraar kahan
Woh jo tha dard ka qaraar kahan
Ab mujhe koi intezaar kahan
Woh jo behte the abshaar kahan
Ab mujhe koi intezaar kahan

Aabshar : Tears falling from the eyes




Movie : Ishqiya
Lyrics : Gulzar
Music : Vishal Bharadwaj
Singer : Rekha Bharadwaj

Dil to bachcha hai ji

Oh thank god!! Finally something came out which just lands directly on heart through ears. Awesome poetry by Gulzar saab, brilliant composition by Vishal and great singing by Rahet Fateh Ali Khan. There are two other beautiful songs 'Ab mujhe koi intezaar kahan' and 'Ibn-E-Batuta' in this album 'Ishqiya'.

Aisi uljhi nazar unse hattati nahin

Daant se reshmi dor kattati nahin

Umar kab ki baras ke safed ho gayi

Kaari badari jawani ki chattati nahin

Walla ye dhadkan bhadne lagi hai

Chehre ki rangat udne lagi hai

Darr lagta hai tanha sone mein ji

Dil to bachcha hai ji

Dil to bachcha hai ji

Thoda kaccha hai ji

Haan dil to baccha hai ji

Aisi uljhi nazar unse hattati nahin

Daant se reshmi dor kattati nahin

Umar kab ki baras ke safed ho gayi

Kaari badari jawani ki chattati nahin

Ra ra ra ..

Ra ra ra ..

Kisko pataa tha pehlu mein rakha

Dil aisa paaji bhi hoga

Hum to hamesha samajhte the koi

Hum jaisa haaji hi hoga

Hai zor karein, kitna shor karein

Bewaja baatein pe ainwe gaur karein

Dilsa koi kamina nahin

Koi to rokey, koi to tokey

Iss umar mein ab khaogey dhokhe

Darr lagta hai ishq karne mein ji

Dil to bachcha hai ji

Dil to bachcha hai ji

Thoda kaccha hai ji

Haan dil to baccha hai ji

Aisi udhaasi baithi hai dil pe

Hasne se ghabra rahe hain

Saari jawani katra ke kaati

Piri mein takra gaye hain

Dil dhadakta hai to aise lagta hai woh

Aa raha hai yahin dekhta hi na woh

Prem ki maarein kataar re

Taubah ye lamhe kattate nahin kyun

Aankhein se meri hattate nahin kyun

Darr lagta hai mujhse kehne mein ji

Dil toh bachcha hai ji

Dil toh bachcha hai ji

Thoda kaccha hai ji

Haan dil toh baccha hai ji

Aisi ulji nazar unse hatt ti nahi

Daant se reshmi dor katt ti nahi

Umar kab ki baras ke safaid ho gayi

Kaari badari jawani ki chatt ti nahi

Walla ye dhadkan bhadne lagi hai

Chehre ki rangat udne lagi hai

Darr lagta hai tanha sone mein ji

Dil to bachcha hai ji

Dil to bachcha hai ji

Thoda kaccha hai ji

Haan dil to baccha hai ji

Aisi ulji nazar unse hattati nahin

Daant se reshmi dor kattati nahin

Umar kab ki baras ke safed ho gayi

Kaari badari jawani ki chattati nahin

Ra ra ra ..

Kisko ptaa tha pehlu mein rakha

Dil aisa paaji bhi hoga

Hum to hamesha samajhte the koi

Hum jaisa haaji hi hoga

Hai zor karein, kitna shor karein

Bewaja baatein pe ainwe gaur karein

Dilsa koi kameena nahi

Koi to rokey, koi to tokey

Iss umar mein ab khaogey dhokhe

Darr lagta hai ishq karne mein ji

Dil to bachcha hai ji

Dil to bachcha hai ji

Thoda kaccha hai ji

Haan dil to baccha hai ji

Aisi udhaasi baithi hai dil pe

Hassne se ghabra rahe hain

Saari jawani katra ke kaati

Piri mein takra gaye hain

Dil dhadakta hai to aise lagta hai woh

Aa raha hai yahin dekhta hi na woh

Prem ki maarein kataar re

Taubah ye lamhe katt te nahi kyun

Aankhein se meri hatt te nahi kyun

Darr lagta hai mujhse kehne mein ji

Dil toh bachcha hai ji

Dil toh bachcha hai ji

Thoda kaccha hai ji

Haan dil toh baccha hai ji

Movie : Ishqiya

Lyrics : Gulzar

Music : Vishal BHaradwaj

Singer : Rahat Fateh Ali Khan

Shaam Se Aankh Mein Nami Si Hai

I have been humming this song through the day and it's fitting to end it up here in evening. Great song..

shaam se aankh mein nami si hai
shaam se aankh mein nami si hai
aaj phir aap ki kami si hai
shaam se aankh mein nami si hai

dafn kar do humain ke saans mile
dafn kar do humain ke saans mile
nabz kuch der se thami si hai
nabz kuch der se thami si hai
aaj phir aap ki kami si hai

waqt rahata nahin kahin tik kar
waqt rahata nahin kahin tik kar
iski aadat bhi aadami si hai
iski aadat bhi aadami si hai
aaj phir aap ki kami si hai

koi ristaa nahin raha phir bhi
koi ristaa nahin raha phir bhi
ek tasleem laazmi si hai
ek tasleem laazmi si hai
shaam se aankh mein nami si hai
aaj phir aap ki kami si hai



Album : Marasim
Singer : Jagjit Singh
Lyrics : Gulzar

Pehli Baar

This is gold. Pure gold. As if the combination of Gulzar and Vishal was not enough earlier, Mohit joins the gang adding another dimension. I don't know why but somehow I find Mohit's voice unusually haunting.

I would have listened to the song around 'n'th times and kept on thinking that the lines are like this.

Dil ne kaisi harkat ki hai pehli baar
Mohabbat ki hai aakhri baar
Mohabbat ki hai pehli baar
Mohabbat ki hai aakhri baar
Mohabbat ki hai..

But apparently they are not. Still I find them better and powerful.


Thode bheege bheege se thode num hai hum
Kal se soye woye bhi to kam hai hum
Thode bheege bheege se thode num hai hum
Kal se soye woye bhi to kam hai hum

Dil ne kaisi harkat ki hai
Pehli baar mohabbat ki hai
Aakhri baar mohabbat ki hai
Pehli baar mohabbat ki hai
Aakhri baar mohabbat ki hai

Aankhein doobi doobi si surmai madham..
Jheelen paani paani hai bas tum aur hum
Baat badi hairat ki hai
Pehli baar mohabbat ki hai
Aakhri baar mohabbat ki hai
Pehli baar mohabbat ki hai
Aakhri baar mohabbat ki hai

Khwaab ke bhoj se kap kapati hui
Halki palken teri Yaad aata hai sab
Tujhe gud gudana satana yuhin sotey hue
Gaal pey tipna michna bewajah besabab

Yaad hai peepal ke jiskey ghaney saaye the
Humnein gilhari ke jhootey matar khaye the
Yeh barqat un hazrat ki hai
Pehli baar mohabbat ki hai
Aakhri baar mohabbat ki hai
Pehli baar mohabbat ki hai
Aakhri baar mohabbat ki hai

Pehli baar mohabbat ki hai
Ohoooo oo hooooooooooo
Pehli baar mohabbat ki hai
Ohoooo oo hooooooooooo





Movie : Kaminey
Lyrics : Gulzar
Singer : Mohit Chauhan
Music : Vishal Bharadwaj

Faasla

Takiye pe tere shar ka woh tippa hai, pada hai
Chadar mein tere jism ki woh soundhi si khusboo
Hathon mein mehekta hai tere chehre ka ehshas
Mathe pe tere hothon ki woh mohor lagi hai

Tu itni kareeb hai ki tujhe dekhun to kaise
Thodi si alag ho to tere chehre ko dekhun..

-Gulzar

Rone Do

Rone do jiya kare
Rone do jiya kare
Ronde do na jee bhar ke
Rone do jiya kare
Ronde do na jee bhar ke
Khali nahin hote kabhi naina mere

Rone do jiya kare
Jiya kare
Rone do

Aisi bhar aye aankhen piya
Shadiyaan rulaye aankhen
Aisi bhar aye aankhen piya
Shadiyaan rulaye aankhen

Tap tap girti hain baarsate
Do patte roke hain
Dekh bahar mein jine walon ke bhi gham hote hain
Dard naya de koi piya re
Phir se sujale aankhen
Rona hai to rone do
Rone do na jee bhar ke





Movie : Maqbool
Lyrics : Gulzar
Singer : Rekha Bharadwaj
Music : Vishal Bharadwaj

Ek Woh Din Bhi The

When Gulzar meets Vishal, magic is created. Maachis, Satya, Omkara, Maqbool, No Smoking, Sunset Point, Tere Ishq Mein are some examples. Not to forget a lesser known but awesome song from the movie 'Chachi 420'. Such depth with simple words can only be weaved by Gulzar.

Ek woh din bhi the...
Ek yeh din bhi hain...
Ek woh din bhi the...
Ek yeh din bhi hain...
Ek woh raat thi, ek ye raat hai
Raat yeh bhi guzar jaayegi....
Raat yeh bhi guzar jaayegi...

Ek woh din bhi the...
Ek yeh din bhi hain...
Ek woh raat thi, ek ye raat hai
Raat yeh bhi guzar jaayegi....
Raat yeh bhi guzar jaayegi...

Koi aata hai palkon pe chalta hua
Ek aansu sunehri sa jalta hua
Khwab bujh jayenge
Raakh reh jayegi
Raat yeh bhi guzar jaayegi....
Raat yeh bhi guzar jaayegi...

Waqt saalon ki dhund se nikal jaayega
Tera chehera nazar se pighal jaayega
Aankh band hogi to
Neend aa jaayegi
Raat ye bhi guzar jaayegi....
Raat ye bhi guzar jaayegi...





Movie : Chachi 420
Lyrics : Gulzar
Music : Vishal Bharadwaj
Singer : Rekha Bharadwaj

Sketch

Yaad hai ek din...
Mere mej pe baithe baithe,
Cigarette ki dibiya par tumne,
Chhote se ek poudhe ka,
Ek sketch banaya tha...
Aakar dekho,
Us poudhe par phool aya hai.

--Gulzar

Baadalon Se Kaat Kaat Ke

Words fail me to describe the genius of Gulzar. Such imaginative yet beautiful thoughts, song after song, is amazing. Vishal Bharadwaj and A R Rehman are two contemporary composers who do justice to the poetry of the master. Great song.

Baadalon se kaat kaat ke
Kaagazon pe naam jodna
Yeh mujhe kya ho gaya?

Doriyon se baandh baandh ke
Raat bhar chaand todna
Yeh mujhe kya ho gaya?

Ek baar tumko jab
Baraste paaniyon ke paar dekha tha
Yun laga tha jaise
Gungunaata ek absaar dekha tha
Tabse meri neend mein barasti rehti ho
Bolti bahut ho aur hasti rehti ho
Jo tujhe jaanta na ho us-se tera naam poochna
Yeh mujhe kya ho gaya?

Dekho yun khule badan tum
Gulaabi saahilon pe aaya naa karo tum
Namak bhare samundaron mein yun
Is tarah nahaya na karo
Sara din chandni si chhaayi rehti hai
Aur gulabi dhoop baukhlai Rehti Hai
Jaamno ki naram daal pe
Naakhoon se naam khodna
Yeh mujhe kya ho gaya?





Movie : Satya
Lyrics: Gulzar
Singer: Bhupinder
Music : Vishal Bharadwaj

Naam Ada Likhna

I don't really understand some part of this song. But then I don't understand many things and still love them. It's so soothing and shot in breathtaking locations.


Pooche jo koi meri nishaani rang heena likhna
Gore badan pe ungli se mera naam aada likhna
Kabhi kabhi aas paas chand rehta hai
Kabhi kabhi aas paas shaam rehti hai

Aao na aao na
Jhelum mein beh lenge
Waadi ke mausam bhi ek din toh badlenge
Kabhi kabhi aas paas chand rehta hai
Kabhi kabhi aas paas shaam rehti hai

Aau toh subaha jaau toh mera naam sabah likhna
Barf pade toh barf pe mera naam dua likhna
Zara zara aag waag pass rehti hain
Zara zara kaangdi ki aanch rehti hai
Kabhi kabhi aas paas chand rehta hai
Kabhi kabhi aas paas shaam rehti hai

Shaamein bujhane aati hain raatein
Raatein bujhane tum aa gaye ho

Jab tum haste ho din ho jaata hain
Tum gale lago toh din so jaata hain
Doli uthane aayega din toh
Paas bitha lena
Kal jo miley toh
Mathe pe mere suraj uga dena
Zara zara aas paas dhup rahegi
Zara zara aas paas rang rahenge

Pooche jo koi meri nishaani rang heena likhna
Gore badan pe ungli se mera naam aada likhna
Kabhi kabhi aas paas chand rehta hai
Kabhi kabhi aas paas shaam rehti hai





Movie : Yahaan
Lyrics : Gulzar
Music : Shantanu Moitra
Singers: Shaan, Shreya Ghoshal

Trivenis by Gulzar

Log melon mein bhi gum ho kar mile hain barha
Dastanon ke kisi dilchasp se ek mod par

Yun hamesha ke liye bhi kya bichhadta hai koi?


Khafa rahe woh hamesha to kuch nahin hota
Kabhi kabhi jo mile aankhen phoot padti hai

Batayen kis ko baharon mein dard hota hai


Tamam safhe kitabon ke fadfadane lage
Hawa dhakel ke darwaja aa gayi ghar mein

Kabhi hawa ki tarah tum bhi aaya jaya karo


Kuch aftab aur ude kayanat mein
Main aasman ki jatayein khol raha tha

Woh tauliye se geele baal chhant rahi thi


Zameen bhi uski, zameen ki yeh nematein uski
Yeh sab usi ka hai, ghar bhi, yeh ghar ke bande bhi

Khuda se kahiye, kabhi woh bhi apne ghar aye


Main sab saman lekar aa gaya is paar sarhad ke
Meri gardan kisi ne qatl karke us taraf rakhli

Use mujh se bichhad jana gawara na hua shayad


--Gulzar

Gubbare

Ek sannata bhara hua tha
Ek gubbare se kamre mein
Tere phone ki ghanti ke bajne se pehle
Baasi sa mahol yeh sara
Thodi der ko dhadka tha
Saans hili thi, nabz chali thi
Mayushi ki jhilli aankhon se utri kuch lamhon ko
Phir teri awaaz ko, aakhri baar "Khuda hafiz"
Keh ke jate dekha tha
Ek sannata bhara hua hai
Jism ke is gubbare mein
Tere aakhri phone ke baad

--Gulzar

Bauchhar

Main kuch kuch bhoolta jata hun ab tujhko
Tera chehra bhi dhundlane laga hai ab takhaiyul mein

Badalne lag gaya hai ab woh subah sham ka mamool
Jisme tujhse milne ka bhi ek mamool shamil tha

Tere khat ate rehte the
To mujhko yaad rehte the tere awaz ke sur bhi

Tere awaz ko kagaz pe rakhke
Maine chaha tha ke pin karlun
Woh jaise teetliyon ke par laga leta hai koi apni album mein

Tera 'be' ko davake baat karna
'Wah' pe hothon ka chhalla gol hoke ghum jata tha

Bahut din ho gaye dekha nahin
Na khat mila koi
Bahut din ho gaye
Sachhi..
Teri awaaz ki bauchhar mein bheega nahin hun main

Main kuch kuch bhoolta jata hun ab tujhko
Tera chehra bhi dhundlane laga hai ab takhayul mein

Badalne lag gaya hai ab woh subah sham ka mamol
Jisme tujhse milne ka bhi ek mamool shamil tha

Mamool - Routine
Takhaiyul - Visualise



Poet : Gulzar
Story : Lovedale
Movie : Dus Kahaniyaan

Swimming Pool

Garmi se kal raat achanak aankh khuli to
Jee chaha ki swimming pool ke
Thande pani mein ek dubki maar ke aaun
Bahar aa kar swimming pool pe dekha to hairan hua
Jane kab se
Bin pooche ek chand aaya aur mere pool mein
Aankhen band kiye leta tha, tair raha tha
Uuf! Kal raat bahut garmi thi

--Gulzar

Uljhan

Ek pashemani rehti hai
Uljhan aur girani bhi..
Aao phir se ladh kar dekhen
Shayad is se behtar koi
Aur sabab mil jaye hum ko
Phir se alag ho jane ka!!

pashemani : guilt
girani : heaviness
sabab : cause

--Gulzar

Triveni by Gulzar

This man is a genius. How can he think like this ? Everytime he surpasses himself. Keep coming Gulzar saab.

Sab pe aati hai, sab ki bari se
Maut munsif hai, kam-o-besh nahin

Zindagi sab pe kyon nahin aati?

Munsif : Judge, Just

--Gulzar