A poem by Nida Fazli

TUMHARI QABR PAR

MAIn FATEHA PADHNEY NAHIEn AAYAA

MUJHEY MAALOOM THA

TUM MAR NAHIEn SAKTEY

TUMHARI

MAUT KI SACHCHI KHABAR JIS NE UDAAI THI

WO JHOOTA THA

WO TUM KAB THEY

KOI SOOKHA HUA PATTA HAWA SE HIL KE TOOTA THA

MIRI AAnKHEIn

TUMHAAREY MAnZAROn MEIn QAID HAIn AB TAK

MAIn JO BHI DEKHTA HOOn

SOCHTA HOOn

WO________WOHI HAI

JO TUMHARI NEK NAAMI AUR BAD NAAMI KI DUNIYA THIKAHI

En KUCHH BHI NAHIEn BADLA

TUMHAREY HAATH

MERI UnGLIYOn MEIn SAAnS LETEY HAIn

MAIn LIKHNEY KE LIYE

JAB BHI QALAM KAAGHAZ UTHATA HOOn

TUMHEIn BAITHA HUA MAIn APNI HI KURSI MEIn PAATA HOOn

BADAN MEIn MEREY JITNA BHI LUHU HAI

WO TUMHARI

LAGHZISHOn NAAKAAMIYOn KE SAATH BAHTA HAI

MIRI AAWAAZ MEIn CHUP KARTUMHAARAA ZAHN RAHTA HAI

MIRI BEEMAARIYOn MEIn TUMMERI LA-CHAARIYOn MEIn TUM

TUMHAARI QABR PAR JIS NE TUMHAARAA NAAM LIKHA HAI

WO JHOOTA HAI

TUMHAARI QABR MEIn MAIn DAFN HOOn

TUM MUJH MEIn ZINDA HO

KABHI FURSAT MILEY TO FATIHA PADHNEY CHALEY AANAA