Abhi Woh Dard Baqi Hai

Abhi woh dard baqi hai
Agarchay waqt marham hai
Magar kuch waqt lagta hai
Kisi ko bhool janay mein
Dobara dil basaanay mein
Abhi kuch waqt lagna hai
Abhi woh dard baqi hai

Main kaisay nayee ulfat mein
Apni zaat ko gum kar doon
Kay meray jism-o-wajdaan mein
Abhi woh fard baqi hai
Abhi us shakhs ki mujh per
Nigah-e-Sard baqi hai
Abhi to Ishq kay raston ki
Mujh per gard baqi hai...

Abhi Woh Dard Baqi Hai


Agarchay : Although
Ulfat : Love
Zaat : Personality
Fard : Account Book, Individual, Member, Unique
Gard : Dust

--Ahmed Faraz